اممممممممممم صينية البطاطس روعة حاسبى هتاكلى صوابعك وراها

وحبيت اساهم معاكم يمكن حد يستفيد منها

المقادير؛

1 فرخة متوسطة الحجم
4حبات بطاطس او 5 حسب حجم الصينيه

3حبات طماطم

نصف ملعقة توم مطحون

2حبة بصل

5 حبات فلفل رومى حلو
ملعقة سمن وملعقتين زيت

ملح وفلفل وكمون


نيجى للطريقة؛



اولا نغسل الفرخة كويس جدا بالملح والخل والليمون

ثم نقطعها اربع ارباع او ثمانية اجزاء حسب افراد العيله وممكن نعملها مكعبات

ثانيا نقشر البطاطس ونقطعها طرنشات او حلقات بعرض البطاطساية ولو كبيرة نقسمها من النصف ونعملها برده حلقات بس مش عريضة ولا رفيعة ونغسلها كويس ثم

نضيف عليها ملعقة الثوم وشوية ملح وفلفل اسود وكمون ونلف البطاطس بيهم

ثم تركها جانبا

ثالثا نطحن الطماطم فى الخلاط كويس

رابعا نقشر البصل ونقطعة (اجنحه)حلقات يعنى بعرض البصله ولو كبيرة نقسمها من النص بس تكون رفيعة

خامسا نحضر الصينيه ونضع فيها ملعقة السمن ثم نضع عليها الفراخ ونلفها شويه فى السمن على النار

ثم نفرها فى الصينية ونضيف عليها البطاطس (البطاطس هتكون نزلت ميه من الخلطه نشيلها من الميه مش نضفها بيها)


ونفرها مع الفراخ فى الصينية كانها مرصوصة

ثمى نضيف لها شويت ملح وفلفل وكمون بس مش كتير عشان احنا حطينا فى الخلطه


ثم نضع الطماطم على وش الصينيه وعلى الفراخ

وبعدين نضيف ا لزيت على الصينيه كلها عشان التحمير

ممكن نضيف نصف كوب ماء وممكن لا

ندوق الصلصة ولو عايزة توابل نضيف لها وبعدين نضعها على البوتاجاز من اعلى

الفراخ هتزل ميه وهتستوى بيها وهى ديه سر الجمال ولذالك عشان متتحرقش منكم هدى النار شويه وسيبيها تغلى

لما البطاطس تستوى هتلاقى الفراخ استوت معاها

اشعلى شواية الفرن وندخليها تحتها تتحمر الوجه


بعد التجمير اخرجيها وتقدم فى اطباق او لو فى بيركس تقدم كلها بتبقى روعه

وتقدمى معها رز ابيض وسلطه